2002-чу шеран октаьбар беттан хьалхарчу деношкахь Нохчийчоьнан коьртачу шахьарахь – ЖовхIар-ГIалахь гIазкхийн мехкашдIалецархошца хиллачу луьрачехь тIамехь, инша АллахI, ШахIид хилла нохчийн къона муджахIид Амир Абу-Сайап (Мурад Юсупхаджиев). Мурад вина 1981-чу шарахь Соьлжа-ГIалахь (ЖовхIар-ГIалахь), хIетахь Веданан (хIинца Шелан) кIоштан ЭгIаштIе юьртара схьаваьллачу Юсупхаджиев Iисан доьзалехь. Оьрсийн-нохчийн шолгIа тIом болабеллачу дийнахь дуьйнна, муджахIидийн могIаршка а хIоьттина, АллахIан новкъахь ЖихIад деш вара Мурад.
Массарна а ца хаьа, Юсупхаджиев Мурад шен 21 шара чохь, похIма долу Амир хилла ца Iаш, тIекхиаме яздан волалун поэт а хилар.
Мурад оьрсийн маттахь язъеш вара. Цуьнан цхьайолу байташ, иза декъала хиллачул тIаьхьа, 2003-чу шарахь араяьллачу «Керстанан къизалла» цIе йолчу гуламна юкъаяхана.
Лахахь ялийна ши байт нохчийн матте яьккхина Кавказехь вевзаш волчу поэта Алканов Билала.
* * * * * *
Со Делан Iарша кIел дIагIур ву сатесча арахь,
Къобалдеш азаллехь яздинчу йозанан хьаьрк.
Вайн хилла марзонаш нагахь шаьш цхьажимма ларахь,
Со лоьхуш, Iесачу дуьнене ма бетта бIаьрг…
МостагIчо гатбинчу гуонехь а лоьху ас толам,
Шекдоцу сайн са со иманца лийчадеш ву:
Мел вуно хаза бу ШахIидан лийрбоцу кхоллам,
Ткъа дийна воллушехь стаг валар мел ирча ду!
КъорIан
АллахIа доссийна стиглара Йоза,
И хаза КъорIан цIе тиллина цунна.
Вай гIерта цуьнцанна вайн хиндерг оза,
Хастам беш и вайна Доссийначунна!
Цу тIера сураташ доьшуш верг, теша, -
Карор ву ДжихIадан нийсачу новкъахь!
Цу новкъа воьдуш верг иманан шовкъахь —
АллахIа вуьгур ву Пирдовсан беша!
(Оьрсийн маттера гочйинарг – Билал Алканов)
Бух: «Нохчийн Зама»
Рубрика: Разное
Дала декъал войла хьо Мурад, делахь ма къонах вар хьо ма муджахид вар хьо, Дала хьо сан к1ентий лойла вайн.